Notes |
- #Générale#Extrait de :« Le Miroir des Nobles de Hesbaye » de Jacques de Hemricourt
781. Item, deveis savoir que, delle filhe monssaingnor Jakeme, saingnor de Cleiremont, mariée à
monssaingnor Franke delle Roche, avoweit de Fleron, issirent dois fis et une filhe, assavoir: Johans,
ly voweis, qui soy mariat alle filhe Badewien de Holongne, doqueile vous trovereis tout la generation
chi devant, en capitle des Surlés, parlant delle damme de Vellerous; et ly atres fis fut nomeis
Jakemiens, qui soy mariat alle filhe monssaingnor Badewien de Flemale, chevalier, doqueile ly
declaration est escripte en capitle de cheaz de Hozemont, qui fait mention de monssaingnor Makaire
delle Heys de Flemale; et ly sereur fut mariée à Johan, l'anneit, de Vileir en Condros, deleis Hodires;
s'en est issus Johan de Vileir, castelains de ban de Sprimont, qui at plusseurs enfans delle filhe
Wilhelme de Graz, cangeur de Liege.
|