| Notes |
- #Générale#Extrait du Miroir des Nobles de Hesbayes de jacques Hemricourt:
172. Veriteis est que ly saingnorie de Noefcasteal est uns anchiens saingnorage et de grant stokage, ja
soice qu'ilh nel semble nint à present; car ilb fut jadit on temps que ly sires de Noefcasteal prist à
femme la filhe do conté de Hoghestroite, en la Haute Almaingne, qui de son droit hiretage estoit sires
de Dolhehen et de toute che qui y apent; avoek laqueile filhe il prist à mariage le terre de Haneffe, en
Hainsbange, qui soloit estre des allouz de Mohaute, mais elle parvint alle conte de Hoghestroite de
part sa femme, qui fut sereur alle conte Albier de Mohaut, qui assy astoit contes [de] Dasborghe, en
la haute Allemangne, et lyqueis contes Albiers donnat, après ce, sa terre de Mohaute alle engliese de
Liege, al temps delle evesque Houwe de Pirepont, ensi que les coronikes de Saint Lambiers
continent. Chis sires de Noefeasteal trespassat, et ly bonne damme, sa femme, demorat veves, qui
navoit que une filhe tant soilement. Cheste damme estoit tant bonne, tant sage et sy wailhant damme
que on le nommoit en sornom le Franke Damme. Elle, por les peris de sa jovene filhette à eskiweir,
vint demoreir, en ses veveis, à Haneffe. La, elle tenoit tres gran estat et faisoit si grande almoines que
de sa bonteit et honeiste vie parloit tous ly paiis. Et ce fut al temps que monssaingnor Otton, sires
de Warfezéez. qui avoit les quatre beaz fis deseurnommeis, vivoit en grandes honeur, richeches et
estat, et n'avoit encor nulle de ses enfans astalleis. Chest damme ly demoroit tot pres et ooit chescon
jour la bonne famme et renomee des enfans deseurdis; et par especiaz, ly renomée de dit
monssaingnor Ystasse, qui astoit ly plus jovenes, passoit tout, car c'estoit 1y plus preuz, ly plus
beaz et ly miez entachiez, et tant gratieuz que chascuns l'amoit por les bons viertus qui estoient en
ly. On jour, s'avisat ly bonne damme de Haneffe et montat sor son char, de matien, et s'en alat à
Warfezéez. Ly dis monssaingnor Ottes le rechuyt en gran reverenche, ly merveilhans forment de sa
venue et demandant la caze de son traveilhe, com chis qui dolans estoit qu'elle nel avoit mandeit par
devers ly. Et ly wailhant damme respondit qu'elle voloit dyneir deleis ly et, aprés dyneir, elle ly
diroit son entente. De che fut tres liesse le sires de Warfezéez; se le festiat tres grandement, solon ce
qu'elle estoit venue disporveüwement. Et après dyneir, elle trahit le saingnor de Warfezéez à part, en
une chambre à secreit, et ly dist: « Sires de Warfezéez, j'ay une filhe à marieir, qui tenrat gran terre et
grandes possessions, et vos aveis Ystasse, vostre jovene fil, qui bien me plaist. Sy vous requiere que
ly mariages en soit fais. » Adont fut ly sires de Warfezéez forment entepris, et out grande
admiration delle humiliteit de la dicte damme, et ly respondit: « Ma chier damme, se je n'avoy que
on seul fil tant soilement, sy ne sieroit ilh nint suffisans asseis pour vostre filhe. Mais puysqu'il vos
plaist tant humiliier que de prendre à moy, sy vos plaise acordeir à Rasse, mon ainsneit fil, qui
tenrat la plus gran parchon de tous mes bins et qui sierat sires de Warfezéez et de Domartien. »
Mais la dicte damme, qui cognissoit bin toutes les manires des enfans deseurdis, respondit qu'elle ne
voloit atre que le dit monssaingnor Ystasse: sa filhe sieroit riches asseis, elle ne demandoit nint à
avoir gran terre, fours on homme de teile corage que sa terre pouwist deffendre et acroistre, car elle
ne demoroit nint entre ses proismes. Sor ce, fut fais ly mariages.
214. Ilh vos puet clerement chi devant apparoir que messires Ystasse de Domartien, sires de
Noefcasteal et de Haneffe, out quatre fis, assavoir monssaingnor Renart, saingnor de Noefcasteal,
monssaingnor Thiry, saingnor de Haneffe, monssaingnor Johan, saingnor de Duras, et monssaingnor
Lambier, saingnor d'Abéez, et coment nos avons reciteit ceaz et celles qui sont deskendus des dois
promerains freires deseurnomeis. Ors nos covient retraire az atres dois freires; et promiers, de cely
de Duras.
|
Masculin
Féminin
Masculin
