| Notes |
- #Générale#Extrait du Miroir des Nobles de Hesbayes de jacques Hemricourt:
778. Item, ly tirche filhe do saingnor de Cleremont fut mariée à monssaingnor Johan, le viez voweit
de Horrion, saingnor do Pas Saint Martien, qui portoit les armes de Hozemont: d'or à on satoir de
geules, et estoit de droit stokage de Hozemont. Ilh out on fil beal et bon, et une filhe, mariée à Adan
delle Byste de Saintron, dont ilh est Crystian delle Byste, maintenant vivant, qui at des hoirs. Ly
beaz voweis deseuroomeis morit alle batailhe à Thorynes, en serviche cheaz de Liege, qui furent
desconfis par leur saingnor, l'evesque Englebiert delle Marche, et fut marieis alle filhe monssaingnor
de Mokynes, deleis Tongres; s'en fut uns fis, nomeis messires Libiers Butoirs, avoweit de Horrion,
chevaliers, qui prist à femme la filhe monssaingnor Ernut de Charneur, chevalier, esquevin de Liege,
dont mention est chi devant faite, en capitle parlant des Surlet; s'en fut uns fis, marieis alle filhe
Johan Pevereal, le cangeur, qui morit sains hoir. Et ly dis messires Libiers soy remariat, la seconde
fois, alle filhe monssaingnor Johan d Oborne; s'en sont dois filhes, dont ly une est mariée à
monssaingnor Rysake de Nayvaing, et ly atre alle fil Wilhelmes de Stroit, l'ostelhier de Saintron.
|
Masculin
Féminin
