Notes |
- #Générale#Extrait du Miroir des Nobles de Hesbayes de jacques Hemricourt:
8. Avient cel an meïsmez qu'il orent on fil nommeit Libier Sureal, aprés son gransaingnor de
Warfezéez, et, environ dois ans aprés, ilh orent on atre fil nomeit Houwe, aprés son gransaingnor
monssaingnor Houwe d'Awir. Chis chevaliers messires Rasses fut mult preus et parsiwoit les armes
à grans despens, car mult riches estoit, tant que sy enfans amendarent forment de forche et de
beateit, si qu'il pooiient biu armes porteir. Adont prisent conselhe ensemble ly syres de Warfezéez
et messires Rasses, sires de Domartien, ses genres, qu'il feroiient les dois freires deseurnomeis
prendre l'ordenne de chevalerie et qu'il leur assenneroient terre pour mineir leur estat, et feroiient
entre eaz leurs parchons, si qu'il sieroiient wardeis de dyscort. Sy assennont à monssaingnor Libiert,
l'ainsneit, toutes les terres qui venoiient anchiennement de ses gransaingnors de part sa meire,
assavoir Warfezéez, Domartien, Harduémont et toutes les vilhes delle terre de Warfezéez, la vowerie
de Momalle, la vilhe de Momelelte, de Puchous, de Novilhe, de Frelouz, toute la terre de Hermalles,
d'Awir, de Hautepenne, d'Engixh, et ce qu'il y appendoit; et messires Houwes, ly jowenes, out en
son assennement toz les acquestes, assavoir Lexhi, Lymont, Geneffe, Warous, la vowerie d'Awans
et pluseurs atres bins: voir, une partie en apparelhiet pour leur estat à maintenir, et le sorplus aprés
le decès de leur dit peire et gransaingnor. Et cargont al ainsneit de porteir le blazon de leur peire,
assavoir le confanon dont je ne say les coleurs, mais je croy que ce faist d'or à on confanon à trois
pendans de goyles, ensy que li coutes de Bolonge les port à present; et puet bien estre choze
possible que ly conte de Bolongne et ly contes de Domartien estoiient adont freires ou d'on prochain
lynage. Et semblament ilh cargont à monssaingnor Houwe, qui estoit plus jovenes, qu'il portaist les
armes do dit saingnor d'Awir, son taiion, assavoir vairiiet d'argent et d'azure. Et vorent qu'il criassent
andois Domartien, et ilh le fisent volentiers, pour le reverenche do noble sanc dont ly dis messires
Rasses estoit estrais.
9. Messires Libiers Soreaz deseurdis out trois fis, assavoir monssaingnor Otton, monssaingnor
Renart et dans Everar. Chis dans Everars fut abbés de Saint Loren et avoit tres grande devotion à
saint Thomas deC antorbie, qui asseis novellement avoit esteit martiriziez et, aprés ce, canoniziez
par le pape Alixandre, assavoir l'an mil C. LXXI; sy fist à Saint Loren faire et consacreir on alteit en
l'onneur de ly, et soy fist ly dis abbés pardevant cely alteit ensevelir. Et ly dis messires Renars, ses
freires, morit sains hoir,si que toute la dicte saingnorie do jadit monssaingnor Libier Sureal demorat
à monssaingnor Otton.
La seigneurie de Momalle appartint d'abord à l'abbaye de Saint-Laurent.
Le 3 novembre1034, l'évêque Réginard lui avait fait donation de 13 manses ou 156 bonniers de terre sis à Mosmale et avait en même temps réglé quels seraient les droits de l'avoué de l'endroit.
Cette avouerie était un fief relevant de la cour féodale de l'avouerie de Hesbaye.
Elle fut cependant longtemps la possession d'une branche de la famille de Warfusée qui prit aussi le nom de l'endroit.
Hemricourt nous apprend dans son "Miroir des Nobles" que l'avouerie de Momalle appartenait au XIIème siècle à Libert Suréal de Donmartin, fils de Raes à la Barbe et d'Alix de Warfusée. Cette avouerie resta dans leur descendance et appartint à Wathy de Momalle dit le "bon Waffar" qui, en 1288, assista à la bataille de Woeringen et y avait été commis à la garde du duc Jean de Brabant. N'ayant pas d'héritier, il se fit moine à Tirlemont.
|