| Notes |
- #Générale#Extrait du Miroir des Nobles de Hesbayes de jacques Hemricourt:
428. Ly ainsnée des filhes monssaingnor Otton de Lexhy fut mariée al conte de Hozemont, nomeit
monssaingnor Gerart de Rulant, et ce fut ly dierains des saingnors de Hozemont qui fut nommeis
conte; car ilh et tos sy predecesseurs avoient esteit nomeit conte de Hozemont, mais ses ainsneis fis
et sy successeurs furent nomeis castelains de Hozeronnt, car, par grant multitude d'enfans, furent les
terres teilement demembréez et departie que chis qui demorat sires de Hozemont, ne poioit tenir
l'estat que d'on simple chevalier tant soilement. Chis messires Gerars, conte de Hozemont, portoit
d'or à on satoir de geules et crioit Hozemont. Ilh out, de sa dicte femme, chink fis et dois filhes,
assavoir: monssaingnor Wilhelmes, castelains de Hozemont, monssaingnor Wery de Fointaines,
monssaingnor Anthone de Fointaines, chevaliers, Lambier, qui morit sains hoir et est ensevelis al
Vaz Dieu, en la terre de Dolhehen, sor la sepulteur doqueile Lambier ilh at escript: « Chi gist
Lambier, fis le conte Gerars de Hozemont, qui trespassat l'an mil dois cens et trente unk ». Et ly
chinquemme fis do dit conte Gerar fut nomeis ly Polens de Hozemont; ilh morit ultre meire et, de ly,
ne demorat nus hoir. Et, des dois filhes de dit conte Gerar, fut ly une mariée à monssaingnor
Makaire delle Heys de Flemale, et ly atre à saingnor Lowy Surlés, qui fut à son temps ly plus
poissans borgois delle citeit de Liege.
|
vers 1165 - oui, date inconnue
